වැල පත්තර

අදත් ගෑනු ලමයින්ගෙන් කමෙන්ට්ස් එන්නෙ නැති මාතෘකාවක් ගැනම තමා ලියන්නෙ. කමෙන්‍ටු නොදැම්මට හිට් කවුන්ට් එක පෙරසේම තියෙන නිසා ඔක්කොම බලනව කියල නම් මම දන්නව ඕං.

ඔය අපි ඉස්කෝලෙ ගිය කාලෙ ඉන්ටනෙට් තිබුනෙ නැහැනෙ. ඒ කාලෙ ඉතිං කොල්ලන්ට වැල ෆොටෝ එකක් පත්තරයක් හරි වටිනව. මට තාම මතකයි ඒ තිබුන පත්තර "සොඳුර, ශ්‍රි දේවි, නවරස". ඕව කඩේකින් ගිහින් ගන්න එකත් සෙල්ලම් වැඩක් නෙමේ. අඳුරන්නෙ නැත්නම් දෙන්නෙ නෑ. අඳුරනව නම් විතරයි ගන්න පුලුවන්. ඒත් දෙන්නෙ ප්‍රසිද්දියෙ නෙමේ. ඔය දිනමින පත්තරයක් වගෙ එකක් අස්සෙ දාල හංගලා.

බොරු කියන්නෙ මොකටද මමත් ඕව අනන්තවත් කියවලා තියෙනව. හැබැයි ජීවිතේට සල්ලි දීල අරගෙන නම් නෑ. හැබැයි බස් ස්ටෑන්ඩ් එකේ පත්තර කාරය අපිව හොඳට දන්න නිසා වෙන එවුන්ට පත්තර අරන් දීල නම් තියෙනව ඉතිං. ඒකනෙ මම ගන්න සිස්ටම් එක දන්නෙ.

මේ කතාව වෙන්නෙ අපි 10 වසරෙ ඉඳිදි. බෙස්ට් ක්ලාස් දෙක D,E. අපි හිටියෙ D. අපේ ක්ලාස් එකේ බෙස්ට් ක්ලාස් උනාට හිටියෙම අමු මදාවියො. E එකේ නම් ඇත්තටම පාඩුවෙ ඉගෙන ගන්න උන් හිටියෙ. අපි කරන නොසන්ඩාල වැඩ වලට E එකේ උන් ඒ වෙනකොටත් කීප සැරයක් පරිප්පුත් කාල හිටියෙ.

ඔන්න දවසක් උදේම ඉස්කොලෙ එද්දි පංතියෙ වැල පත්තර 3ක් ම තියෙනව. මමත් ඉතිං පුලුවන් තරමින් කියෙවුව. ආයෙ ඉන්ටවල් එකේ ඉතුරු ටික කවර් කරා. මම විතරක් නම් නෙමේ මුලු පන්තියම පි‍ටුව පි‍ටුව බෙදගෙන මේව කියෙවුවෙ නිකං මේවගෙන් විභාගෙට ප්‍රශ්න එනව වගේ.

ඉන්ටවල් එකට පස්සෙ පිරියඩ් එකේ ප්‍රිෆෙක්ට්ස් ල පන්තියට ආව. උන්ට කවුදෝ අලුගුත්තේරුවෙක් වැල පත්තර කතාව කියල. උන් ඇවිත් පංතියෙම බෑග් චෙක් කොරනව. මමත් බය වෙලා හිටියෙ දැන් මොකාද මාට්‍ටු වෙන්නෙ කියල. පංතියම යාලුවො තමයි. ඒත් ඊට වඩා අවුල් අපේ සෙට් එකේ එකෙක් මාට්‍ටු උනොත්.

චෙක් කිරිල්ල ඉවර උනා. කිසිම දෙයක් හොයා ගන්න හම්බ උනේ නෑ. කවුරුත්ම කියන්නෙත් නෑ පත්තර වලට මොකද උනේ කියල. හැබැයි එකම පත්තරයක් වත් අපේ පංතිය ඇතුලෙ තිබුනෙ නෑ. මොකද ප්‍රිෆෙක්ට්ස් ල සිරාවටම උන්ගෙ සෝදිසි මෙහෙයුම කරා.

දැන් මුන් E එකෙත් සෝදිසි මෙහෙයුම කොරනව. හප්පේ පත්තර 3 ම E එකේ තිබිල මාට්‍ටු වෙලා. 3 දෙනෙක් ලඟ තමා තිබිල තියෙන්නෙ. හොඳම වැඩේ උන් තුන්දෙනාගෙම තාත්තල ගුරුවරු. ඒ විතරක් නම් මදෑ, ඒ 3 දෙනම උගන්නන්නෙත් අපේ ඉස්කෝලෙ. ඊට පස්සෙ වෙච්ච දේ හිතාගන්න පුලුවන් නෙ.

අදටත් කවුරුත් දන්නෙ නැති දන්න අය කියන්නෙ නැති දේ තමා විනාඩි ගානක් ඇතුලත අපේ පංතියෙ තිබුන පත්තර කොහොමද එහා පංතියෙ උන්ගෙ බෑග් වලට ගියේ කියන එක.

ප.ලි - ඇනෝ කමෙන්‍ටු දාන එකියකටයි මම මේ කියන්නේ. ගෑනු එපා වෙලා ඉන්න මට මගුල් සෙට් කොරන්න එන්න එපෝ. අනික අපි නොදන්න ඇනොනිමස් කිවුවලු. ;-)