පරිගණක ඉංජිනේරු ජීවිතය

අද මම මේ ලියන දෙවනි පෝස්ට් එක. පලවෙනි එක බැලුවෙ නැත්නම් මෙතනින් බලන්න ("බෑංකි මූන් ට මාරයා අත වනයි"). අර අයි ටී විරිදුව පෝස්ට් කරාට පස්සෙ ගොඩක් අය ඒ ගැන බය වෙලා තිබුනා. ඒ වගේම කීප දෙනෙක් ඉල්ලීමක් කරල තිබුනා මගේ තියෙන දැනුමෙන් අයි ටී ඉගෙන ගන්න එවුන්ට පොඩි ඇඩ්වයිස් එකක් දෙන්න කියල. මට ඇඩ්වයිස් දෙන්න තේරෙන්නේ නෑ. ඒත් මම මගේ ප්‍රොෆශනල් ලයිෆ් එක ගැන පොඩ්ඩක් කියන්නම්.

මම NIBM ඩිප් එක ඉවර කරේ 1999 මැද හරියෙ. ඊට පස්සෙ ඒ අවුරුද්දේ සැප්තැම්බර් ඉඳන් ඉන්ස්ට්‍රක්ටර් කෙනෙක් විදියට NIBM එකේ වැඩ පටන් ගත්තා. පඩිය රුපියල් 3000 යි. මගේ කරුමෙකට ඊලඟ මාසෙම PC3 කියන ලැබ් එක මට භාර දුන්නා. ඒකෙ තියෙන්නෙ හද්ද පරණ කොම්පුටර්. උදේට 30 ක් වැඩ නම් හවස් වෙනකොට වැඩ කරන්නෙ මැශින් 15 ක් විතර. ඉතිං හවස ඉතුරු 15 ගොඩ දාල තමා යන්නෙ.

තව මාස දෙකකින් PC1 ලැබ් එක මට භාර දුන්නා. ඒකෙ නම් කිසිම කරදරයක් නෑ, අලුත් කොම්පියුටර් තියෙන්නෙ. ඔය අස්සෙ සීනියර් ඉන්ස්ට්‍රක්ටර්ස් ල සෙට් එකක් එක සැරේ අයින් උනා. මේන්න බොලේ ඒ ගමන මාව ඉන්ස්ට්‍රක්ටර්ස්ලගෙ ලොක්ක කරල. මමත් චන්දිමත් (කොළඹගේ සර්ගෙ අය්යගෙ පුතා) දෙන්න තමා දැන් ඉන්ස්ට්‍රක්ටර්ස් ලගෙ ලොක්කො දෙන්නා.

ඔය අතරේ සෙනසුරාද දවසක මට කෝල් එකක් ආව කෝලිත කියල ඉස්කෝලේ සහ NIBM මගේ බැජ් එකේ යාලුවගෙන්.

කෝලි : මචං රංග, පොඩ්ඩක් අපේ ඔ‍ෆිස් එක පැත්තේ වරෙන්
මම : උඹල සැටඩේ වැඩද? මොකෝ කේස් එක
කෝලි : සැටඩේ හාෆ් ඩේ. මෙහේ වේකන්සි වගයක් තියෙනව දැන් වරෙන්
මම : පිස්සුද බං මම මේ ඩෙනිමක් ගහල ඉන්නෙ, අනික මගේ ලඟ මේ වෙලාවෙ සෙටි‍ෆිකට් මොකුත් නෑ.
කෝලි : බයිල නැතුව දැන් වරෙන්. දැන් පොඩ්ඩකට කලින් ශවන්තය ඉන්ටර්විව් ඇවිත් සෙලෙක්ට් උනා
මම : යකෝ ශවන්තය මාස 6 ක් ප්‍රෝග්‍රැමිං කරානෙ
කෝලි : වරෙන්කො දැන්

අනේ ඉතිං ඕනෙ එකක් වෙන්න කියල මම ගියා ඉන්ටවිව්. 3 දෙනෙක් ඉන්නව ඉන්ටර්විව් බෝඩ් එකේ. ලේටස්ට් දේවල් ගැන තමා අහන්නෙ. මම ඒ එක මගුලක් වත් දන්නෙ නෑ. එත් මම බොරු බයිල ගහන්න ගියේ නෑ, දන්නෙ නැති ඒවට දන්නෙ නෑ කිවුවා. අන්තිමට ඇහුව පඩිය කීයක් ඕනෙද කියල. ප්‍රශ්න වලට හරියට උත්තරත් නොදී ලොකු ගනන් ඉල්ලන්නත් බැහැනෙ. ඔන්න ඔහේ 9000 ක් ඉල්ලුවා.

2000 ජුනි 15 ඉඳන් මට එතන රස්සාව හම්බ උනා ජූනියර් සොෆ්ට්වෙයා ඉංජෙක් විදියට වැඩ කරන්න. මට මුලින්ම කරන්න දුන්නේ රිපෝට් හදන්න. මෙලෝ රහක් නැති වැඩක්. ඒත් කට්ට කාගෙන ඒක කරගෙන ගියා. ඒ අස්සෙ පොඩි පොඩි කෝඩිං වැඩත් හම්බ උනා.

ඔහොම ඉඳිද්දි 2000 අග හරියෙ ඊස්‍රායෙල් කාරයෙක් අපේ ඔ‍ෆිස් එකට ආව, ඌ කොම්පැනියක් හොයනව ඊ ලර්නිං සිස්ටම් එකක් ඩෙවෙලොප් කර ගන්න. අපි උගේ කතා අහන් ඉඳල එදාම නයිට ගහල සිරා ප්‍රසන්ටේශන් එකක් හැදුවා. පහුවෙනිද බුවාට ඒක පෙන්නුවම පට්ට සැටිස්. එදාම ප්‍රොජෙක්ට් එක කන්ෆර්ම් කරා.

දැන් කෙලින්ම අපි අලුත් ඩිවිශන් එකක් ස්ටාර්ට් කරා මේ ප්‍රොජෙක්ට් එකට. කෝලි තමා ටීම් ලීඩ්. ඒ ඇරෙන්න මමයි ශවන්තයි ඉන්නව. තව එලියෙන් 10 දෙනෙක් ගත්තා. මට තමා මිඩ්ල් ටියර් එක (ඒ කියන්නෙ බිස්නස් ලොජික්) ලියන්න උනේ. කොච්චර සිරාවට වැඩ කරාද කියනව් නම් 2001 මුල මාව පර්මනන්ට් එම්ප්ලොයී කෙනෙක් කරද්දි 9000 තිබුන මගේ පඩිය 20000 ක් කරා.

අවුරුදු 2 1/2 ඒ කොම්පැනියේ වැඩ කරා. VB විතරක් දැනන් හිටිය මම ASP, ASP.NET ඉගෙන ගත්තෙ මෙහේ ඉන්න කාලෙදි. කෝලි කස්ට එක්ක වලියක් දාගෙන කෝලි ටෙක් ලීඩ් කරල මාව ටීම් ලීඩ් කරා. කොහොම හරි 2002 අග වෙද්දි ප්‍රොජෙච්ට් එක ඉවරයි. අපි 6 දෙනෙක් මෙතනින් අයින් වෙලා සෙට් උනා වෙන කොම්පැනියකට.

අලුත් කොම්පැනිය පොඩි එකක්, ඒත් වරදක් නෑ. ලොක්ක පට්ට සිරා. ඒත් ඒ කාලෙ අලුත් ටෙක්නොලොජි, චැලෙන්ජස් නැත්නම් කෑවෙ නෑ වගේ.  ඒක නිසා අවුරුද්දයි මාස 3 ක් එතන ඉඳල දුම්ම, කෝලි දෙන්නත් එක්ක ගියා ආයෙ අලුත් කොම්පැනියකට 35000 ක පඩියට.

මේකෙ ඉන්න කාලෙ තමා ගොඩක් කෝපරේට් සයිට් වගේම දුකා, ඉරාජ්, මහේල, සංගගෙ සයිට් එහෙමත් කරේ. අංජුවා තමා ඇක්ශන් ස්ක්‍රිප්ට් ලියන්නේ. මම උගේ ගුරා, කෙලවුන තැන් වලදි සපෝර්ට් කරනවා. ඔතන අවුරුදු 2 ක් ඉඳිද්දි මාව ප්‍රොමෝට් කරා සොෆ්ට්වයා ඩිවිශන් මැනේජර් විදියට.

මුල් කාලෙදි නම් මගේ වැඩේ කරන ගමන් කෝඩිං කරන්න වෙලා තිබුනා. පස්සෙ පස්සෙ GM නැති දවසට උගේ වැඩත් මට කරන්න උනා. දැන් වැඩේ පට්ට බෝරිං වේගෙන ආව. ඒ ඇරෙන්න තව තව හේතු බොහොමයක් නිසා අවුරුදු 4 ක් එතන වැඩ කරල එතනින් අයින් උනා. අයින් වෙනකොට නම් පඩිය ජොයින් වෙද්දි හම්බ උන පඩියට වඩා දෙගුනෙකටත් වැඩි ගානක් තිබුනේ .

මෙතනින් එහා පඩි ගැන නම් ලියන්නෙ නෑ. අලුතින් ගියේ Swedish Company එකකට. අරහේ මැනේජර් හිටියට මෙහේ ජොයින් වුනේ ටෙක් ලීඩ් කෙනෙක් විදියට. මෙහේදි සෑහෙන්න ඔය ස්ටෑන්ඩඩ්ස් ගැන එහෙම ඉගෙන ගත්තා. අම්බානෙක වැඩ කරා වගේම ආතල් එකේ හිටියා. මෙතන අවුරුදු 3 ක් විතර හිටියම ඇති කියල හිතුනා.

ඒ අස්සෙ මගේ යාලුවෙක් මට කිවුව උන්ගෙ කොම්පැනියට ටෙක්නිකල් ප්‍රොජෙක්ට් මැනේජර් කෙනෙක් ඕනේ, උඹට සිරාම හරියන ජොබ් එක කියල. මමත් ඇප්ලයි කරල සිලෙක්ට් උනා. දැන් එතන තමා වැඩ.

මහ ලොකු කොලි‍ෆිකේශන් නැතුවත් (MSc එක කරේ ගොඩක් ලඟදි) මෙච්චර දුර එන්න හම්බ උනේ...

01. උනන්දුව (වැඩක් තිබුනොත් දවල් රෑ නෑ වැඩ)
02. කැපවීම (රෑ කීය වෙනකම් මොන පිස්සු කෙලියත්, පහුවදා වෙලාවට ඔ‍ෆිස් එකේ)
03. අප් ‍ටු ඩේට් (හැම තිස්සෙම අලුතින් එන දේවල් ගැන ටච් එකේ ඉන්නවා)
04. මීටරේ හොඳකම (මේක නම් අනිත් උන් කියන එකක්, මම දන්නෙ නෑ)
05. අනිත් අයට උදවු කිරීම (කවුරු හරි වැඩක හිර වෙලා නම්, පුලුවන් උදවුවක් කරනව)
06. පොලිටික්ස් වලට අහු නොවීම (ඔ‍ෆිස් වල තියෙන පිල් බෙදීම වලට අහු නොවී හැමෝම එක්ක සුහදව වැඩ කිරීම)

ලිස්ට් එක තව දිගට තියෙනව, ඒත් ඔය ලිවුව ඒව තමා වැදගත්ම.

ප.ලි. : දැන් මේකට ඕනයා හරි අබේපාලයා හරි දායි "ඔන්න නයෙක්" කියල. වැපා හරි මරණෙ හරි දායි "ඉඳල ඉඳල වැදගත් දෙයක් ලිවුවමයි" කියල.

ප.ප.ලි - මේකෙ කිවුව දුම්ම අද වැඩ කරන්නේ Accenture කියන කොම්පැනියේ. කෝලි Virtusa එකේ, ශවන්ත CMS එකේ.