පුස්තකාලාධිපති විදියට වැඩ කරන එක ලේසිද?

මේක අපි දන්න චරිතයකට වෙච්ච දෙයක් නම් නෙමෙයි ඔන්න. කතාවෙ කතා නායකයා පුස්තකාලාධිපති කෙනෙක්. බුවා දැන් වැඩ කරන කොම්පැනියට කලින් රස්සාව කරල තියෙන්නෙ රාජ්‍ය සේවය. බුවාට මුලින්ම පත්වීම හම්බ වෙලා තියෙන්නෙ අමාත්‍යාංශයක පුස්තකාලාධිපති විදියට. බුවා වැඩ භාරගත්ත පලවෙනි දවසෙම ගෑනු කෙනෙක් එනවලු පොතක් අරගෙන මල පැනල.

කාන්තාව : මේක තමා මම ජීවිතේට දැක්ක ජරාම පොත මෙලෝ රහක් නෑ
බුවා : මැඩම් මම හිතන්නෙ මේ පුස්තකාලෙ තියෙන්නෙ ඔක්කොම වටිනා පොත්පත්, පොත් වලට අපහාස කරන්න එපා
කාන්තාව : මේ පොතේ තියෙන කතාව තේරුමක් නෑ. චරිත ගොඩක් හිටියට කතාවෙ කිසිම ගලා යෑමක් නෑ
බුවා : මොකක්ද මැඩම් පොතේ නම
කාන්තාව : මෙන්න පොත, තමුසෙම බලාගන්නවා

බුවා පොත පරීක්ශා කිරීමෙන් පසු : මැඩම් ගෙනියලා තියෙන්නෙ අපේ ෆෝන් බුක් එකනෙ

ඉතිං ඔය වගේ සිරා කස්ටියක් එක්ක රජකාරිය කරන එක අපේ බුවාට ටික කාලයක් යද්දි එපා වෙලා. මිනිහ මාරුවීමක් ඉල්ලලා ඉස්කෝලෙක පුස්තකාලයක් භාරව පත්වීමක් දෙන්න කියල. බුවාගෙ පොලිටිකල් කන්ටැක්ට් එහෙමත් තියෙන නිසා බුවාට පට ගාල මාරුවීමක් හම්බවෙලා ලොකු ඉස්කෝලෙක ප්‍රාථමික අංශයේ පුස්තකාලාධිපති විදියට.

බුවා හිතුවලු මේක අයිස් ගහන්න නියම චාන්ස් එක කියල. බැලුවලු කරන්න තියෙන වැඩ වලින් අමාරුම වැඩේ. ඒක තමා පොත් කෙනෙක් ගෙනියද්දි පොතට අදාල කාඩ් එකේ අර පුද්ගලයගෙ නම ලියන එක. මූට ආවලු ඒ වැඩෙත් කරගන්න ලේසි ක්‍රමයක්. දැන් මූ පලවෙනි දවසෙ පුස්තකාලෙට කවුරුහරි එනකම් ඉන්නවලු මුගේ සිස්ටම් එක ටෙස්ට් කරන්න.

ඔන්න ටිකකින් 3 වෙනි පංතියේ කොල්ලෙක් ඇවිල්ල පොත් ‍තෝරනවලු. කොල්ල සෑහෙන වෙලාවක් ‍තෝරලා ලමා කතා පොත් තුනක් අරන් ඇවිත් අපේ බුවාගෙ මේසෙ උඩ තිබ්බලු.

බුවා : පුතා ඔය හැම පොතේම තියෙනව අග කාඩ් එකක්. ඒ කාඩ් 3ම අරගෙන ඒවගෙ පුතාගෙ නම ලියල දෙන්න

කොල්ලත් ඉතින් කාඩ් 3ම තමන්ගෙ නම් ලියල ටිකක් මල පැන්න මූඩ් එකෙන් ආයෙ අපේ බුවාට දුන්නලු. දැන් බුවාගෙ ලෑස්තිය පොඩි එකා මොකද අවුල් ගියේ කියල අහන්න. ඊට කලින් පොඩි එකා කිවුවලු

පොඩි එකා : අංකල්, ඔයාට කලින් මෙතන වැඩ කරපු අංකල් නම් අකුරු ලියන්න දන්නවා, ඒක නිසා එයා තමා මේ කාඩ් පිරෙවුවේ